இந்த நாள் இனிய நாள்

 

Bhuvana GovindYesterday 17:27 நான் இப்ப உங்களுக்கு ஒரு கதை சொல்ல போறேன். இது ஒரு உண்மை கதை. உங்களுக்கெல்லாம் தெரிஞ்ச ஒருத்தர பத்தின கதை. கிட்டத்தட்ட அம்பது அம்பத்தஞ்சு வருசத்துக்கு முன்னாடி… கொஞ்சம் அதிகமா இருக்கோ, சரி கிட்டத்தட்ட முப்பது முப்பத்தஞ்சு வருசத்துக்கு முன்னாடி இதே நாள் ஒரு ஊர்ல ஒரு நிமிஷம் மரம் எல்லாம் அசையாம நின்னுடுச்சாம், மேல வந்த அலை அப்படியே ஒரு செகண்ட் hang ஆய்டுச்சாம், கோவில்ல அடிச்ச மணி அப்படியே சைலண்ட் ஆய்டுச்சாம்… நான் இப்ப உங்களுக்கு ஒரு கதை சொல்ல போறேன். இது ஒரு உண்மை கதை. உங்களுக்கெல்லாம் தெரிஞ்ச ஒருத்தர பத்தின கதை. கிட்டத்தட்ட அம்பது அம்பத்தஞ்சு வருசத்துக்கு முன்னாடி… கொஞ்சம் அதிகமா இருக்கோ, சரி கிட்டத்தட்ட முப்பது முப்பத்தஞ்சு வருசத்துக்கு முன்னாடி இதே நாள் ஒரு ஊர்ல ஒரு நிமிஷம் மரம் எல்லாம் அசையாம நின்னுடுச்சாம், மேல வந்த அலை அப்படியே ஒரு செகண்ட் hang ஆய்டுச்சாம், கோவில்ல அடிச்ச மணி அப்படியே சைலண்ட் ஆய்டுச்சாம். அதாவது, உலக இயக்கமே ஒரு நிமிஷம் நின்னுடுச்சாம். அப்ப தமிழ்நாட்டின் ஒரு அழகான ஊர்ல ஒரு பெண் கொழந்தை பொறந்துச்சாம். அந்த கொழந்தைக்கு அவங்க பாட்டி பேரை வெச்சாங்களாம். நாளொரு மேனியும் பொழுதொரு வண்ணமுமா அந்த கொழந்தை வளந்து அழகான பொண்ணா ஆச்சாம், எல்லார்கிட்டயும் ‘பிரிய’மா இருக்குமாம் அந்த பொண்ணு. இப்படி இருக்கைல ஒரு நாளு, ஒருத்தர் அந்த பொண்ணை “பொண்ணு பாக்க” வந்தாராம் (ஐயோ பாவம், யாரு பெத்த புள்ளையோ..:) அப்புறம் என்ன ஆச்சுன்னா…. (இப்ப தொடரும் போடணுமோ… ஹி ஹி… சரி மிச்சத்தையும் சொல்றேன் இருங்க) அப்புறம் என்ன ஆச்சுன்னா… அந்த நல்லவர் நம்ம அம்மணிய ‘பார்த்த முதல் நாளே’ கிளீன் போல்ட் ஆகி ஆயுள் கைதியா சிக்கிகிட்டாராம். அப்புறம் என்னவா? And they lived happily ever after தான்…;))) இப்ப எதுக்கு இந்த கதைனு கேக்கறீங்களா? நாளைக்கி அந்த “பிரிய”மான அம்மணிக்கு பர்த்டே’வாம், அதுக்கு தான் அவங்க வாழ்க்கை வரலாறை இங்க சொல்லி இருக்கேன். யாருனு கண்டுபுடிச்சீங்களா? சரி நானே சொல்லிடறேன் அவங்க சாதாரண ஆள் இல்ல, திருப்பூர் திலகி, அஞ்சா நெஞ்சி, மாதர் குல மங்கி ஐயோ சாரி ஒரு ரைமிங்ல வந்துடுச்சு… மாதர் குல மங்கைனு சொல்ல வந்தேன். எங்கள் அக்கா (ஐயோ சொக்கா) பிரியமான ப்ரியா அக்காவுக்கு நாளைக்கி ஹேப்பி பர்த்டே’ங்க. அதான் மேட்டர், அதுக்கு தான் இவ்ளோ பீட்டர்…:) ஹாப்பி பர்த்டே டு யு… ஹாப்பி பர்த்டே டு யு… ஹாப்பி பர்த்டே டு டியர் ப்ரியாக்கா… ஹாப்பி பர்த்டே டு யு… +Priya. R ப்ரியா அக்காவின் பிறந்த நாளை முன்னிட்டு உங்க எல்லாருக்கும் ஒரு கிலோ கிருஷ்ணா ஸ்வீட்ஸ் மைசூர்பா……….. வாங்கி தரணும்னு தான் நெனச்சேன். ஆனா கடைல வாங்கறதெல்லாம் ஒடம்புக்கு அவ்ளோ நல்லதில்ல பாருங்க. அதான் நானே ஸ்பெஷல் ஸ்வீட் ரெடி பண்ணிட்டு இருக்கேன், எல்லாருக்கும் பார்சல் அனுப்பறேன் சரியா? (இருங்க இருங்க ஓடாதீங்க…;)

 

இன்றைய நாள் மிகவும் இனிமையாக என்றுமே மறக்க முடியாததாக இருந்தது .,காரணம் அப்பாவி தங்கமணி என்று அழைக்க படும் பிரபல பதிவர் அன்பு தங்கை புவனா தான் ., இப்படி ஒரு வித்தியாசமான வாழ்த்து மடல் வரும் என்று கொஞ்சம் கூட எதிர்பார்க்கவே இல்லை ! ரொம்ப தேங்க்ஸ் புவனா

 

குட்டிஸ் பக்கம்

 சென்ற வெள்ளி கிழமை நடந்தது.,

 வழக்கம் போல் பள்ளி விட்டவுடன் வீட்டுக்கு வந்த கார்த்திக் விளையாட போறேன் மா என்று பாட்மிட்டன் பாட்டை எடுத்து கொண்டு சென்றவன் விரைவில் வீடு திருப்பி விட்டான் ., எப்படியும் ஒரு மணி நேரம் கழித்து தான் வருவான் ;சீக்கிரம் வந்து விட்டானே என்று சற்று ஆட்சிரியத்தோடு அவனை பார்த்த போது நான் ஒரு விஷயம் சொல்றேன் ;என்னை நீங்க திட்ட கூடாது என்று சற்று பதட்டத்தோடு சொன்னான் சரி சொல்லு என்றேன் இல்லை என் மேலே எந்த தப்பும் இல்லை மம்மி என்றான் அதற்குள் அஜித் வந்து கூப்பிட திரும்பவும் விளையாட சென்று விட்டான் என்னவாக இருக்கும் என்று யோசித்து சரி அப்புறம் கேட்டு கொள்ளலாம் என்று விட்டு விட்டேன்

 பின்னர் ஒரு வழியாக அவன் சுற்றி வளைத்து மழலை குரலில் சொல்லிய விஷயம் இது தான் அவன் பேட்டை எடுத்து கொண்டு சுபாஷ் வீட்டிற்கு சென்று இருக்கிறான் எதோ விளையாட்டு விசயமாக இரண்டு பேருக்கும் வாய் சண்டை வந்து இருக்கிறது ரெண்டு பேரும் வெவ்வேறு ஸ்கூலில் போர்த் படித்து கொண்டு இருக்கிறார்கள் இதை கண்ட சுபாசின் பாட்டி ( காரைக் குடியில் இருந்து வந்து இருக்கிறார்) ஏண்டா சுபாஷ் ,கார்த்தி கிட்டே போய் இப்படி பேசி கிட்டு இருக்கிறே என்ன இருந்தாலும் உனக்கு தங்கச்சி ஸ்வேதா இருக்கா ; நீ தணிஞ்சு போனா தானே கார்த்திக் நம்ம ஸ்வேதாவை கல்யாணம் பண்ணிக்குவான் நம்ம வீட்டு மாப்பிள்ளையை நீ நல்லா நடத்தாம இப்படி பேசிகிட்டு இருக்கியே என்று சொல்லி இருவரையும் சமாதான படுத்தி இருக்கிறார் :)) அவனின் வெட்கத்தை கண்டு எனக்கு ஒரே சிரிப்பு!

நேற்று அந்த பாட்டி ஊருக்கு போகிறேன் என்று சொல்லி கொள்ள வந்தார் ., நீங்க வேற உங்க பேத்தியை கல்யாணம் செய்து வைக்க போறீங்க ன்னு சொல்லிடீங்கன்னு எங்க கார்த்திக் வேற உங்க வீட்டு பக்கமே திரும்ப மாட்டேன் என்கிறான் என்று சொன்னதற்கு அடடா ;கார்த்திக் ,சும்மா விளையாட்டுக்கு சொன்னேன் என்று அவனிடம் சொல்லி விட்டு என்னிடம் நீங்க எல்லாம் நூறு பௌனோடு நல்லா செவப்பு கலரா இருக்கிற பொண்ணு தானே பார்ப்பீங்க என்று என்னையும் அதிர வைத்தார் :)) குறும்பு பாட்டி தான் என்று சொல்லி சிரித்து கொண்டேன்.

2011 in review

The WordPress.com stats helper monkeys prepared a 2011 annual report for this blog.

 

Here’s an excerpt:

The concert hall at the Syndey Opera House holds 2,700 people. This blog was viewed about 8�500 times in 2011. If it were a concert at Sydney Opera House, it would take about 3 sold-out performances for that many people to see it.

 

In 2011, there were 27 new posts, growing the total archive of this blog to 82 posts. There were 43 pictures uploaded, taking up a total of 13mb. That’s about 4 pictures per month.

The busiest day of the year was April 22nd with 221 views. The most popular post that day was பெண் பார்க்கும் நிகழ்வு -தொடர்ச்சி .

How did they find you?

The top referring sites in 2011 were:

• tamilmanam.net
• blogger.com
• ta.wordpress.com
• botd.wordpress.com Follow
• facebook.com

Some visitors came searching, mostly for பெண்கள் முன்னேற்றம்அத்துடன்பெரியம்மா.

Where did they come from?

Asia
• 81�1% India
• 6�1% Sri Lanka
• 4�2% Malaysia
• 2�7% Singapore
• 2�1% United Arab Emirates

North America
• 87�1% The United States
• 12�2% Canada
• 0�7% Bermuda

Oceania
• 73�9% New Zealand
• 26�1% Australia

அய்ரோப்பா
• 33�3% The United Kingdom
• 29�2% Poland
• 8�3% Germany
• 8�3% Norway
• 8�3% France

ஆப்பிரிக்கா
• 50�0% Egypt
• 50�0% Seychelles

Most visitors came from India. The United States & Sri Lanka were not far behind.

Attractions in 2011

These are the posts that got the most views in 2011. You can see all of the year’s most-viewed posts in your Site Stats.

• 1 பெண் பார்க்கும் நிகழ்வு -தொடர்ச்சி 32 comments April 2011
• 2 பெண்கள் முன்னேற்றம் -ஒரு பார்வை 5 comments ஜூன் 2010
• 3 பள்ளி பாளையம் பெரியம்மா 15 comments April 2011
• 4 தமிழ் – சினிமா – விமர்சனம் 6 comments ஜூலை 2011
• 5 பூனை வீட்டில் வளர்க்கும் செல்ல பிராணி 14 comments மார்ச் 2011

Some of your most popular posts were written before 2011. Your writing has staying power! Consider writing about those topics again.

Thanks for the continual support of these top commenters and all other commenters and vistors of this blog

Wishing You Happy New Year 2012

 

 

CHEES O CHESS

எங்க  நிறுவனத்தில் உற்பத்தியாகும் ஆயத்த ஆடைகளை வாங்கி கொள்ளும் வெளி நாட்டை சேர்ந்தஇறக்குமதி யாளர்களில் ஒருவரான கமிலா எனக்கு சீஸ் பாக்கெட்கள் பரிசளித்தார் ;சரி ஏதாவது செய்து பார்ப்போமே என்று  பாஸ்தா செய்து பார்த்தேன் சுவை சரியாக இல்லை ; மாம்ஸ் சாப்பிட்டு ஏதோ டேஸ்ட் குறைகிறதே என்று ஒரு வளரும் சமையல் கலை வல்லுனியியை குறை சொன்னார் .,

சரி என்ன குறை ?

 மசாலா குற்றமா

சீஸ் குற்றமா

இல்லை

உப்பின் அளவில் ஏதாவது எச்சு கம்மியா என்று கேட்க நினைத்து அவரின் முகம் போன போக்கினை பார்த்து பேசாமல் விட்டு விட்டேன் 🙂

இது பற்றி துப்பு துலக்கலாம் என்று யோசித்து ஒருவழியா கண்டு பிடித்து விட்டேன் !

அது என்ன வென்றால்  சீஸ் பாக்கட்டின் உட்புறம் டபுள் லேயரில் முதல் லேயரை பிரித்த நான் இரண்டாவது லேயர் சீஸ்  கலரில் இருந்ததை  பிரிக்காமல் அப்படியே போட்டு விட்டேன் என்பது தான் காரணம்:))

 சரி இன்று பர்கர் செய்வோம் என்று முடிவு செய்து நீல்கிரிஸ் சென்று பர்கர் பன்கள் மற்றும் ரெடி கட்லெட் வாங்கி வந்தேன் இப்போது செய் முறையை பார்க்கலாமா

முதலில் தோசை கல்லை சூடு செய்து அதில் இரண்டாக அரிந்த  பர்கர் பன்னை பட்டர் தடவி சற்று வாட்டி எடுத்து ஒரு பன்னை எடுத்து அதில் வாங்கி வந்த கட்லெட் ஐ வைத்து தக்காளி சாஸ் ,சற்று துருவிய கேரட் ,முட்டை கோஸ் ,தேங்காய் துருவலை போட்டு இன்னொரு பன்னால் மூடினால் பர்கர் ரெடி!

 என்ன இரெண்டே வரிகளில் ஒரு சிறந்த சமையல் குறிப்பை கொடுத்த  முதல் இல்லத்தரசி நானா :)) 

 நீங்கள் குறை சொல்வதற்கு முன்னால் எப்படி முழுவதும் செய்வது என்று நான் தெரிந்து கொண்டதை சொல்லி விடுகிறேன் 🙂

 தேவையானவை:

கட்லெட் செய்ய:

வேக வைத்து மசித்த உருளைக்கிழங்கு – 1 கப்

வேக வைத்த காய்கறி கலவை – 1/2 கப்

மிளகுத்தூள் – 1/2 டீஸ்பூன்

எலுமிச்சை சாறு – 2 டீஸ்பூன்

பொடியாக நறுக்கிய கொத்தமல்லி – 1 டேபிள்ஸ்பூன்

மைதா (அ) கார்ன்ஃப்ளார் – 2 டேபிள்ஸ்பூன்

துருவிய சீஸ்- 1/4 கப்

உப்பு – தேவையான அளவு

எண்ணெய் – பொரிக்க

பர்கர் செய்ய:

பன் – 1 (அ) பிரெட் – 2 ஸ்லைஸ்

வெண்ணெய் – சிறிதளவு

துருவிய கேரட் – சிறிதளவு

மிகவும் பொடியாக நறுக்கிய முட்டைகோஸ் – சிறிதளவு

தக்காளி சாஸ் – சிறிதளவு

 செய்முறை: எண்ணெய் நீங்கலாக கட்லெட்டுக்கு கொடுத்துள்ள பொருட்களை பிசைந்து கொள்ளவும். அதை சிறு கட்லெட்டுகளாக செய்து, எண்ணெயில் பொரித்துக் கொள்ளவும். பன்-ஐ குறுக்கு வாக்கில் இரண்டாக வெட்டி, இரண்டு துண்டிலும் வெண்ணெயைத் தடவவும். இதனை தோசைக்கல்லில் போட்டு லேசாக சூடாக்கிக் கொள்ளவும். ஒரு துண்டின் மேல் துருவிய கேரட், முட்டைகோஸை தூவவும். அதன் மேல் ஒரு கட்லெட்டை வைத்து, சிறிதளவு சாஸ் ஊற்றி, வெட்டி வைத்திருக்கும் மற்றொரு துண்டு பன்னால் மூடி பரிமாறவும். (குறிப்பு: கடைகளில் மட்டுமே சாப்பிட்டுப் பழகிய பர்கரை, வீட்டிலேயே செய்து கொடுத்தால் குழந்தைகள் விரும்பி சாப்பிடுவர். பால் சாப்பிடாத குழந்தைகளுக்கு இதில் பனீரை சேர்த்து செய்து கொடுக்கலாம். துருவிய காய்கறிகளை பச்சையாக பயன்படுத்துவதால் அவற்றில் உள்ள அத்தனை சத்துக்களும் நேரடியாகக் கிடைத்து விடும்.)-

நன்றி :ரேவதி

தேவை சிக்கனம்

சேமிப்புக் குணம்; சிக்கனம் ஆகியவை பற்றி நிறையப் பார்த்துவிட்டோம். ஆனாலும் அவ்வப்போது இந்த உணர்வைப் புதுப்பித்துக் கொள்ள வேண்டிய அவசியம் நமக்கு இருக்கிறது.காரணம் செலவழிப்பதிலும், ஆடம்பர வசதிகளிலும் நம் மனம் அடிக்கடி ஈர்க்கப்பட்டுக் கொண்டே இருக்கிறது.

செல்போன் இல்லாதவர்களைக் கண்டு செல்போன் இருப்பவர்கள் திருப்தி அடைவது இல்லை. லேட்டஸ்ட் மாடல் தேவை என்றோ, அவரைப்போல் இன்னொன்று வாங்கி வைத்துக் கொண்டால் அதில் மேலும் பல செளகரியங்கள் இருக்கின்றன என்றோ எண்ணிக்கொண்டு நிறைவற்ற மனத்துடன் வலம் வருகிறார்கள். ஏக்க உணர்வுடன் காலத்தை ஓட்டுகிறார்கள். ஒரு பலவீனமான கணத்தில் காசுதான் இருக்கிறதே, வாங்கினால் என்ன என்கிற நினைப்பு உந்தித் தள்ள விளக்கில் விழுந்து மாயும் விட்டில் பூச்சிகளாகி, சிறப்புச் சிறகுகளை இழந்து ஊர்ந்து செல்லும் சாதாரணப் பூச்சிகளாகிப் போகிறார்கள்.

 

கஷ்டப்பட்டவர், இன்று நன்றாக இருப்பவர் என்கிற நிலையில் உள்ள ஒருவரைத் தேர்ந்தெடுத்து அவருடன் பேசிப் பாருங்கள். பரவாயில்லை. ஆனாலும்… என்று ஒரு பட்டியல் வாசிப்பார்.

மனநிறைவு என்பது பொருள்களால் பொருளாதாரத்தால் மட்டும் நிரப்பிக் கொள்வது அல்ல. மனத்தாலும் நிரப்பிக்கொள்ள வேண்டும். 50 சதவிகிதத் தேவைகளை அடைந்துவிட்டால் மீதமிருக்கிற 50 சதவிகிதத்தை வெற்றிடமாக வைத்துக்கொண்டு ஏங்கித் தவிக்கிறவர்களின் வாழ்க்கை இனிய வாழ்க்கையல்ல. இந்த 50 சதவிகிதத்தை மனத்தால் நிரப்பிப் கொள்ள வேண்டும். இல்லையென்றால், தேவைகள் பூதாகரமாகத் தெரியும். பிய்த்துத் தின்னும். அரித்துப் பிடுங்கும். இது தவறுகளைச் செய்வதற்கே வழிவகுக்கும். இருப்புகளைக் காலி செய்வதிலேயே நம்மவர்கள் குறியாக இருக்கிறார்கள். எதிர்பாராத தேவைகளுக்கும், திடீர்ச் சமாளிப்புகளுக்கும் வருங்காலத்திற்கும் ஏதும் தேவை என்கிற நினைப்பை அதிகரித்துக் கொண்டால் நாமே வியக்குமளவு இருப்புகள் வளரும்.

ஒன்றை வாங்க மனம் துடித்தால் ஒரு வாரம் வரையிலாவது இந்த நினைப்பைத் தள்ளிப் பாருங்கள். அடுத்த வாரமும் இதே அளவு வேகமும் வீரியமும் இருப்பின், அதன் அவசியம் மற்றும் சாதக பாதகங்களை ஆராயுங்கள். இதை வாங்கியபிறகும் இருப்பு இருக்குமா பாருங்கள்.

செலவினங்கள் இனிப் பலன் தருபவையாக அமையட்டும். வேறு வகையில் சொன்னால் – வழித்துத் துடைத்து ஒன்றை வாங்குவது என்றால் அது முதலீடாகத்தான் இருக்கலாமே தவிர, செலவினமாக இருக்கக் கூடாது.

நன்றி : திரு லேனா தமிழ்வாணன்

 

பில் கேட்ஸ் ஆற்றிய உரை 1

மானுட வாழ்வில் நிலவிவரும் ஏற்றத் தாழ்வை நீக்குவதே மானுடத்தின் மிகப் பெரிய சாதனையாக இருக்கும் என்று ஹார்வர்ட் பல்கலைக் கழக மாணவர்கள் மத்தியில் பேசிய மைக்ரோ சாஃப்ட் நிறுவனத்தின் தலைவர் பில் கேட்ஸ் கூறியுள்ளார்.

 “ஹார்வர்ட் பல்கலையில் படித்தது எனது வாழ்வின் குறிப்பிடத்தக்க அனுபவமாகும். இங்கிருந்துதான் எனது வாழ்க்கை தொடங்கியது. 1975ஆம் ஆண்டு இங்கு படித்துக்கொண்டிருந்தபோதுதான் எனக்கு வந்த அந்த அழைப்பு இன்றுவரை நீடித்துவரும் மைக்ரோசா்ப்ட் நிறுவன வாழ்விற்கு அடித்தளமிட்டது. ஹார்வர்டில் அரசியல், பொருளாதாரம் ஆகியவற்றில் புதிய சிந்தனைகளைப் பற்றிப் படித்தேன். ஆயினும், மானுடத்தின் மிகப் பெரிய சாதனை என்பது புதிய, புதிய கண்டுபிடிப்புக்களில் இல்லை. மாறாக, அப்படிப்பட்ட புதிய கண்டுபிடிப்புக்கள், மனித குலத்தில் நிலவி வரும் ஏற்றத் தாழ்வை களைய எவ்வாறு பயன்படுத்தப்படுகிறது என்பதில்தான் உள்ளது.

ஜனநாயகம், வலிமையான பொதுக் கல்வி, தரமான மருத்துவ வசதி, விரிவான பொருளாதார வாய்ப்புகள் என்று எதுவானாலும் சரி, அவை யாவும் ஏற்றத் தாழ்வை ஒழிக்க வேண்டும் – அப்போதுதான் அது சாதனையாகும். எல்லா வசதிகளும் உள்ள இந்த நேரத்தில் நீங்கள் பட்டம் பெற்று வெளியேறுகிறீர்கள். நாங்களுக்கு கிடைக்காத தொழில்நுட்ப வசதிகள் யாவும் உங்களுக்குள்ளது. ஏற்றத் தாழ்வு தொடர்பாக நீங்கள் அறிந்துள்ள அளவிற்கு நாங்கள் அறியவில்லை. இந்த அளவிற்கு ஒரு புரிந்துணர்வோடு பட்டம் பெற்றுள்ள நீங்கள், உங்கள் சிறிய முயற்சியால் அவர்களின் வாழ்வில் மாற்றத்தை ஏற்படுத்த வல்ல திறமையை வைத்துக்கொண்டு, அவர்களுக்கு எதையும் செய்யாமல் இருப்பீர்களானால் அது உங்களை என்றென்றைக்கும் வாட்டிக்கொண்டிருக்கும். நாங்கள் பெறாததை நீங்கள் பெற்றுள்ளீர்கள், உடனடியாகத் தொடங்குங்கள், நீண்ட காலம் உங்கள் பணியை தொடருங்கள்.

ஏற்றத் தாழ்வை ஒழிக்கத் தேவையான மாற்றம் சாதாரணமானதல்ல, அது மிகவும் சிக்கலானது. அந்தச் சிக்கல்களை வெட்டி வீழ்த்தித் தீர்வு காண நான்கு படி நிலை பாதை உள்ளது. அது,

 1. இலக்கை நிர்ணயித்துக்கொள்ள வேண்டும்,

2. அதனை அடைய அதிகபட்ச சாத்தியமுடைய அணுகுமுறையை கண்டுபிடிக்க வேண்டும்,

3. அதற்கான தொழில்நுட்பத்தை கண்டுபிடிக்க வேண்டும்,

4. அந்த தொழில்நுட்பம் நீங்கள் ஏற்கனவே அறிந்த ஒன்றாக – மிக அதிக விலையுள்ள மருந்தாகவோ அல்லது மிகச் சாதாரணமான படுக்கை வலையாகக் கூட இருக்கலாம் – அதனை கண்டறியுங்கள்.

 முதலில் பிரச்சனையை கண்டறிய வேண்டும். அதற்கான தீர்வு என்ன என்பதை கண்டுபிடிக்க வேண்டும். அதனால் ஏற்படும் தாக்கத்தை மதிப்பிட வேண்டும். பிரச்சனையின் சிக்கல் உங்களை தடுத்து நிறுத்திவிட அனுமதிக்காதீர்கள், செயல்படுங்கள், மிகப் பெரிய ஏற்றத் தாழ்வு எதுவெனப் பார்த்து கையில் எடுங்கள். அதனைச் சாதிப்பதில்தான் உலகின் உன்னதமான அனுபவம் உள்ளது. உங்களுடைய திறன் என்பது நீங்கள் பெற்றுள்ள கல்வித் தகுதி மட்டுமே ஆகாது, அந்தத் திறனைக் கொண்டு இவ்வுலகில் நிலவும் மிக ஆழமான ஏற்றத் தாழ்வை நீக்க நீங்கள் என்ன செய்தீர்கள் என்பதிலயே உள்ளது. உங்களிடமிருந்து வெகு தூரத்திலுள்ள அந்த மக்களோடு உங்களுக்கு எந்த தொடர்பும் இல்லை, ஆனால், அவர்களையும் சேர்ந்ததே மானுடம் என்பதை புரிந்துகொண்டு செயலாற்றுங்கள்.

(ஹாவர்ட் பல்கலைக் கழகத்தில் 2007ஆம் ஆண்டு ஜூன் மாதம் 7ஆம் தேதி நடந்த பட்டமளிப்பு விழாவில் பில் கேட்ஸ் ஆற்றிய உரை)

தமிழ் – சினிமா – விமர்சனம்

  

 

                       தெய்வ திருமகள்

 

                  திரைப்பட விமர்சனம்

 

 

  

 

 

நடிப்பு – விக்ரம், அனுஷ்கா, அமலா பால், சந்தானம், நாசர், பேபி சாரா

பாடல்கள் – நா முத்துக்குமார்
இசை – ஜீவி பிரகாஷ்குமார்
ஒளிப்பதிவு – நீரவ்ஷா
எடிட்டிங் – ஆண்டனி

தயாரிப்பு – எம் சிந்தாமணி & ரோனி ஸ்க்ரூவாலா
எழுத்து – இயக்கம் – விஜய்

மக்கள் தொடர்பு – ஜான்சன்

 

அத்தி பூத்தாற்போல் வரும் நல்ல படங்களின் இந்த படமும் ஒன்று ..

கண்களைவிட்டு அகல மறுக்கும் இயற்கை காட்சிகள், மனதை வருடும் இசை, எந்த இடத்திலும் இயல்பு மீறாத நடிகர்கள், இறுதிக் காட்சி முடிந்த பிறகும் இருக்கையோடு கட்டிப் போடும் திரைக்கதை, மனதின் நெகிழ்ச்சியை கண்களில் வழிய வைக்கும் உயிர்ப்பான இயக்கம்…

-நாம் பார்ப்பது தமிழ் சினிமாதானா என்று ஒருமுறை கிள்ளிப் பார்த்துக் கொள்ள வேண்டியிருந்தது, தெய்வத் திருமகள் படம் முடிந்ததும்.

ஹாட்ஸ் ஆஃப் விஜய்… . படத்துக்குப் படம் அதிகரிக்கும் சினிமா மீதான உங்கள் காதலை, ரசிகர்களுக்கு நல்ல விஷயங்களை மட்டுமே தர வேண்டும் என்ற உங்கள் வைராக்கியத்தை பாராட்டாமல் இருக்க முடியவில்லை.

‘ஐ யாம் சாம் என்ற ஆங்கிலப் படத்தின் தழுவல்தான் இந்த தெய்வத் திருமகள் என்றாலும், தமிழ் சினிமாவில் ஒரு முக்கியமான படம். வக்கிர அழுக்கும் மசாலா தூசும் நிறைந்த கோடம்பாக்கத்தில் பொலிவுறத் துடைத்தெடுத்து வந்த ரவிவர்மா ஓவியம் மாதிரி அத்தனை நேர்த்தி இந்தப் படத்தில்.

மனவளர்ச்சி குன்றிய கிருஷ்ணா (விக்ரம்) வுக்கும், அவரது காதல் மனைவிக்கும் பெண் குழந்தை பிறக்கிறது. ஆனால் அந்தக் குழந்தை பிறக்கும்போதே தாய் இறந்துவிட, மகளை வளர்க்கும் பொறுப்பு மனதளவில் குழந்தையாகவே உள்ள விக்ரமுக்கு. நிலா எனப் பெயரிட்டு வளர்க்கிறார்.

மகள் பள்ளி செல்லும் போது வருகிறது பிரச்சினை. ஒருநாள் திடீரென்று அந்த செல்ல மகளை கிருஷ்ணாவின் பணக்கார மாமனார் தூக்கிக் கொண்டு போய்விடுகிறார். மனவளர்ச்சி குன்றியவனுடன் குழந்தையை விட முடியாது என நியாயம் பேசுகிறார்.

வழக்கறிஞர் அனுராதா துணையுடன் நீதிமன்றம் போகிறான் கிருஷ்ணா. மகளைப் பார்க்க முடியாமல் தவி்க்கிறான். இந்த பாசப் போராட்டத்திலும் சட்ட யுத்தத்திலும் யார் ஜெயிக்கிறார்கள் என்பதை நெகிழ வைக்கும் விதமாய் சொல்லியிருக்கிறார் விஜய்.

தமிழில் இதற்கு முன் இதே மாதிரி பெற்றால்தான் பிள்ளையா, சின்னக் கண்ணம்மா என மிகச் சில படங்கள் இப்படி வந்திருந்தாலும், இந்தப் படம் அவற்றிலிருந்து ரொம்பவே வித்தியாசப்படுகிறது. காரணம், கதையின் நாயகன்.

மனப் பிறழ்வு (autism) நோயால் பாதிக்கப்பட்ட தந்தையாக விக்ரம். இவரது நடிப்பை வர்ணிப்பது, ‘இனிப்பு இனிப்பாக இருக்கிறது’ என்பதைப் போன்றதுதான். தனது அடுத்த பரிமாணத்தை கொஞ்சமும் அலட்டிக் கொள்ளாமல் தந்திருக்கிறார் மனிதர். இந்தக் காட்சி, அந்தக் காட்சி என பாகுபடுத்திப் பார்க்க முடியாத அளவுக்கு அசத்தியிருக்கிறார். நடிப்பு ராட்சஸன்!!

இவருக்கு அடுத்து நடிப்பில் இதயத்தைத் திருடுவது குழந்தை சாரா. அழகும் விவேகமும் நிறைந்த இந்தக் குழந்தை உண்மையிலேயே தெய்வத் திருமகள்தான் போங்கள்!

அனுஷ்காவுக்கு அருமையான வாய்ப்பு இது. அவரும் சிறப்பாக பயன்படுத்திக் கொண்டுள்ளார்.

குறிப்பிடத்தக்க இன்னொருவர் நம்ம சந்தானம். ஒரு வசனம் கூட எல்லைமீறாத அளவுக்கு அவரை சிறப்பாகக் கையாண்டிருக்கிறார் இயக்குநர் விஜய்.

குழந்தையின் சித்தியாக வருகிறார் அமலா பால். அழகாக வந்து போகிறார். எம்எஸ் பாஸ்கர், நந்தகுமாராக வரும் கிஷோர், சச்சின் கெடேகர், குறிப்பாக நாசர் என அனைவருமே உணர்ந்து நடித்துள்ளனர்.

நீதிமன்றக் காட்சிகள் வெகு யதார்த்தமாக சித்தரிக்கப்பட்டுள்ளன. கடைசி காட்சியில் நாசரின் முடிவான பதிலுக்காக பக்பக் இதயத்தோடு நீதிபதியே காத்திருக்க, அதைப்பற்றியெல்லாம் கவலைப்படாமல், அப்பாவும் மகளும் சைகையால் அன்பைப் பரிமாறிக் கொள்ளும் காட்சியில் அழாத கண்களில் கண்ணீர் வற்றிவிட்டதென்று அர்த்தம்!

ஜீவி பிரகாஷின் இசை உண்மையிலேயே பிரமாதம். இப்போதுதான் அவர் காட்சிகளை உணர்ந்து இசை தருகிறார். தந்தை பாடும் தாலாட்டில் இசையும் முத்துகுமாரின் வரிகளும் அற்புதம். அந்த கதை சொல்லும் பாடலை படமாக்கிய விதம், விஜய்க்குள் இருக்கும் சூப்பர் ஆக்ஷன் பட ஆர்வத்தைக் காட்டுகிறது.

விஜய்யின் இன்னொரு வலது கரமாக நீரவ்ஷா. ஏசி இல்லாத தியேட்டரில் கூட ஊட்டியின் குளிரை வரவழைத்துவிடுகிறார் நீரவ்.

படத்தின் மைனஸ் என்று பார்த்தால்…. காட்சிகள் மெதுவாக நகர்வது, முதல் பாதியில் வரும் நீளமான சில காட்சிகள். ஆனால் முதல் சில நிமிடங்களிலேயே படம் பார்க்கும் ரசிகனை கதைக்குள் ஈர்த்துவிடுகிறார் விஜய். அதன்பிறகு அந்த ரசிகன் எழுந்திருப்பது ‘எ பிலிம் பை விஜய்’ என்ற எழுத்துக்கள் ஒளிரும்போதுதான்.

அந்தக் காட்சியில் அத்தனை பேரும் பேதமின்றி கைதட்டியது, விஜய்யின் உழைப்புக்கு கிடைத்த அங்கீகாரம்.

கமர்ஷியல், க்ளாஸிக் என்ற எல்லைக் கோடுகளைத் தாண்டி பார்த்து ரசிக்க  வேண்டிய படம்!

 

நன்றி : ஒன் இந்தியா.