பெண் பார்க்கும் நிகழ்வு -தொடர்ச்சி

 

இது தாங்க அந்த சுவாரஸ்யமான  நிகழ்வு. 

இது என்னை பெண் பார்க்க வந்த போது நடந்தது !

 

என்னோட ரங்க்ஸ் என்னை பொண்ணு பார்த்துட்டு ,வேறொரு அறையில் எங்க பெரிய அண்ணா ( பெரியப்பா மகன் )
கூட பேசி கொண்டு இருந்தார் .,எங்க பெரிய அக்கா (பெரியப்பா பெண் ) போய் பார்த்து விட்டு வரேன் என்று போனவர்
திரும்பி வந்து எப்படியும் திருப்பூரில் நாலைந்து  பேராவது  அவருக்கு இருப்பாங்க என்று ஒரு குண்டை போட்டு விட்டு போய் விட்டார்.

 
நாம்ப தான் கொஞ்சம் குழப்ப வாதி ஆயிற்றே ! என்னடா இது பையன் ஜாதகம் ஸ்ரீராமர் ஜாதகம் என்று எங்க வீட்டில் சொல்றாங்க
இந்த அக்கா இப்படி சொல்றாங்களே என்று ஒரு வாரம் குழம்பி போய்

 இருப்பு கொள்ளாமல் தவித்தேன் ஆனால் அப்போது எனக்கு ஏற்பட்ட மனசஞ்சலம்,

 பதைபதைப்பு ,தவிதவிப்பு அக்கா சொல்லை வேத வாக்காக நம்பி மன உளைச்சல்

 ஏற்பட்டு மிகுந்த சிந்தனையில் இருந்தது;இருந்தாலும் அக்கா சந்தேகமாக தானே

 சொல்லி இருக்காங்க என்று மனதை சமாதான படுத்தி கொண்டது,

 எங்க பெரிய அண்ணாவும் அவரும் ஒரு வருஷம் ஸ்கூலிங்க்ளில்

கிளாஸ் மேட் என்பதால் எங்க அண்ணாவுக்கு அவரின் நடத்தைகள்

 தெரிந்து தானே இருக்கும் என்று ஆறுதல் படுத்தி கொண்டது,

 என்று இன்று நினைத்தால் சிரிப்பாக இருக்கிறது.

எங்க அக்கா போய் பார்த்து பேசி விட்டு வந்ததற்கு முன்பு தான்

 நான் அவரை சரிவர கூட

பார்க்காமல் தலைவேறு ஆட்டிவிட்டு வந்து விட்டேனே ;சரியாக பார்த்து பேசி இருந்தா

கூட அதை வைத்து தெரிந்து இருப்போமா என்று வேறு சிந்தனை!

 போதாதற்கு ஒரு புறம் RC நாவல்கள் இன்னொரு புறம் சுஜாதா நாவல்கள் என்று படித்து படித்து

சற்று கற்பனையில் உலாவிய காலமாகவும் இருந்தது வந்தவர் வில்லனாக இருப்பார் என்று

 எல்லாம் நினைக்க வில்லை ஆனால் நல்ல கணவராக இருப்பார்; இருக்க வேண்டும் என்று

எதிர்பார்ப்பு இருந்தது .,

 திரும்பவும் சில நாட்கள் கழித்து வந்த அக்கா கிட்டே கேட்ட போது
அடி அசடு !  ;நம்ம வீட்டு பசங்க பொண்ணுங்களை கண்டாலே பேசாம ஓடிடுவாங்க ; இவர் கண்ணை பார்த்து தெளிவா பேசினாரா!

அதை தான் கிண்டலாக கூறினேன் என்று சொல்லி சிரித்து

 எனது மனதில் அமைதியை கொண்டு வந்தார் .,

அன்னைக்கே அவர் கேலி செய்து சிரித்து கொண்டு சொல்லியதை

 நான் தான் இருந்த டென்ஷன்னில் கவனிக்க வில்லை போலும் .

எங்க அக்கா கிட்டே கோவை குசும்பு(கோவையில் வசிக்கிறார் )

கொஞ்சம் ஓவரா தான் இருக்கு என்று இப்போது நினைக்க    தோன்றுகிறது!